sans ka ukhaD jaana gham ki ibtida hogi

saañs kā ukhaḌ jaanā ġham kī ibtidā hogī

un kī diid hī mere dard kī davā hogī

jānte ho maazī ham kyuuñ nahīñ parakhte haiñ

jānte haiñ insāñ haiñ koī to ḳhatā hogī

zindagī kā har rasta maut se hī miltā hai

maut aane se hī to zindagī 'atā hogī

ham gunāhoñ kā yā-rab e'tirāf karte haiñ

hashr meñ to rahmat kī ham pe bhī ghaTā hogī

jab munāfiqat duniyā meñ 'urūj par hai to

haq-parast logoñ kī phir kahāñ jagah hogī

mustaqil koī bhī to saath de nahīñ saktā

ruuh bhī badan se to ek din judā hogī

sar-phiroñ se raunaq hai un ke baa'd kyā hogā

kūcha-e-mohabbat meñ ḳhaak jā-ba-jā hogī

har koī yahāñ ḳhud ko pārsā samajhtā hai

aise meñ bhalā 'arqam' terī kyā jagah hogī

sans ka ukhaD jaana gham ki ibtida hogi

un ki did hi mere dard ki dawa hogi

jaante ho mazi hum kyun nahin parakhte hain

jaante hain insan hain koi to KHata hogi

zindagi ka har rasta maut se hi milta hai

maut aane se hi to zindagi 'ata hogi

hum gunahon ka ya-rab e'tiraf karte hain

hashr mein to rahmat ki hum pe bhi ghaTa hogi

jab munafiqat duniya mein 'uruj par hai to

haq-parast logon ki phir kahan jagah hogi

mustaqil koi bhi to sath de nahin sakta

ruh bhi badan se to ek din juda hogi

sar-phiron se raunaq hai un ke ba'd kya hoga

kucha-e-mohabbat mein KHak ja-ba-ja hogi

har koi yahan KHud ko parsa samajhta hai

aise mein bhala 'arqam' teri kya jagah hogi