hum ab apni parwa bhi karne lage hain
ham ab apnī parvā bhī karne lage haiñ
ḳhud apne liye ham sañvarne lage haiñ
vo apne parā.e ko nārāz kar ke
ab allāh ko raazī karne lage haiñ
bahut pyaar karte the jo zindagī se
sunā hai vo jīte-jī marne lage haiñ
kiyā thā jo vā'da kabhī ḳhud se ham ne
usī vā'de se ab mukarne lage haiñ
sañbhāle hue the jo dīvāreñ ab tak
vo patthar hī ab to bikharne lage haiñ
jinheñ apnī manzil samajh baiThe the ham
maqām aa ke sab vo guzarne lage haiñ
hum ab apni parwa bhi karne lage hain
KHud apne liye hum sanwarne lage hain
wo apne parae ko naraaz kar ke
ab allah ko raazi karne lage hain
bahut pyar karte the jo zindagi se
suna hai wo jite-ji marne lage hain
kiya tha jo wa'da kabhi KHud se hum ne
usi wa'de se ab mukarne lage hain
sanbhaale hue the jo diwaren ab tak
wo patthar hi ab to bikharne lage hain
jinhen apni manzil samajh baiThe the hum
maqam aa ke sab wo guzarne lage hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
