شکایت باغباں نہ کیجے چمن میں ضرب المثل نہ کہئے
شکایت باغباں نہ کیجے چمن میں ضرب المثل نہ کہئے
بہار ہے تو بہار کہئے خزاں کا رد عمل نہ کہئے
یہ ہم نے مانا حسین چیزوں میں حسن گندم بھی پر کشش ہے
مگر اسی اک حسین شئے کو حیات کا ماحصل نہ کہئے
جہاں کی ہر شئے کو ہے تغیر بدلتے رہنا ہے عین فطرت
کسی زمانے کے فیصلے کو کچھ اور کہئے اٹل نہ کہئے
ستم ظریفی کی کوئی حد ہے کہ تاج مرمر کی عظمتوں کو
شہنشہی کا عروج کہئے وفا کا نعم البدل نہ کہئے
غضب ہے اس دور آگہی میں جناب واعظ کے ہر سخن کو
رموز کون و مکاں سمجھئے دماغ و دل کا خلل نہ کہئے
جہان شعر و سخن میں مضطرؔ غزل کی ہے حیثیت مسلم
مگر کچھ ایسے بھی سر پھرے ہیں جو کہہ رہے ہیں غزل نہ کہئے
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
