ہر گھڑی ہر وقت جس کو دھیان میں رکھا گیا
ہر گھڑی ہر وقت جس کو دھیان میں رکھا گیا
جو ہماری نظم کے عنوان میں رکھا گیا
ذلتوں نے چن لیے خیمے یزیدوں کے سبھی
عزم تھا جو جنگ کے میدان میں رکھا گیا
خود سے ملنے کا وہ نقشہ ہم نے ڈھونڈا ہی نہیں
جو ہمارے واسطے قرآن میں رکھا گیا
رحمتوں کی بارشیں ہیں علم کے دریا بھی ہیں
کیا نہیں جو سورۂ رحمان میں رکھا گیا
تم سے بہتر تم سے دانا کوئی دنیا میں نہیں
یہ وہ جملہ تھا جو سب کے کان میں رکھا گیا
عندلیبوں کو رہائی اس طرح بخشی گئی
حسرت پرواز کو زندان میں رکھا گیا
اک مسلسل ہجر اس پر حشر کے دن کا خیال
صبر یہ کیوں کر دل فرحان میں رکھا گیا
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
Click on any word to get its meaning
