koi masarrat pal-do-pal ki mohlat se mil jati hai
koī masarrat pal-do-pal kī mohlat se mil jaatī hai
aur musībat jab miltī hai fursat se mil jaatī hai
us ke aage sar hī jhukānā hai to sar be-laus jhukā
jannat-vannat to maañ baap kī ḳhidmat se mil jaatī hai
pheñk ye basta phaaḌ kitābeñ chhoḌ paḌhā.ī cricket khel
degrē kī kyā fikr ki degrē rishvat se mil jaatī hai
daulat ke bal-būte par ḳhud ko dānish-var mat samjho
daulat lāToñ boroñ ko bhī qismat se mil jaatī hai
kuchh to ham ash'ār anokhe kahte haiñ 'sāhil-saharī
aur hameñ kuchh daad hamārī shohrat se mil jaatī hai
koi masarrat pal-do-pal ki mohlat se mil jati hai
aur musibat jab milti hai fursat se mil jati hai
us ke aage sar hi jhukana hai to sar be-laus jhuka
jannat-wannat to man bap ki KHidmat se mil jati hai
phenk ye basta phaD kitaben chhoD paDhai cricket khel
degree ki kya fikr ki degree rishwat se mil jati hai
daulat ke bal-bute par KHud ko danish-war mat samjho
daulat laTon boron ko bhi qismat se mil jati hai
kuchh to hum ash'ar anokhe kahte hain 'sahil-sahari
aur hamein kuchh dad hamari shohrat se mil jati hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
