yun chupke chupke kisi se mila nahin karte
yuuñ chupke chupke kisī se milā nahīñ karte
kisī ke saath bhī hargiz burā nahīñ karte
har ek baat pe karte ho kyuuñ shikāyat tum
mohabbatoñ ke safar meñ gila nahīñ karte
chalo jahāñ meñ ye paiġhām 'aam karte haiñ
vafā ke badle kisī se jafā nahīñ karte
mujhe to ho ga.ī 'ādat tujhe satāne kī
so baat baat pe yuuñ dil burā nahīñ karte
koī bhī kaam karo tum baḌī shu'ūrī se
kisī tarah kī kahīñ par ḳhatā nahīñ karte
ye soch kar hī faqat Dar rahā thā hijrat se
bichhaḌ ke 'ishq meñ 'āshiq jiyā nahīñ karte
ḳhudā ke fazl se paayā hai martaba ye 'azīm'
kisī ko dekh ke aise jalā nahīñ karte
yun chupke chupke kisi se mila nahin karte
kisi ke sath bhi hargiz bura nahin karte
har ek baat pe karte ho kyun shikayat tum
mohabbaton ke safar mein gila nahin karte
chalo jahan mein ye paigham 'am karte hain
wafa ke badle kisi se jafa nahin karte
mujhe to ho gai 'adat tujhe satane ki
so baat baat pe yun dil bura nahin karte
koi bhi kaam karo tum baDi shu'uri se
kisi tarah ki kahin par KHata nahin karte
ye soch kar hi faqat Dar raha tha hijrat se
bichhaD ke 'ishq mein 'ashiq jiya nahin karte
KHuda ke fazl se paya hai martaba ye 'azim'
kisi ko dekh ke aise jala nahin karte
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
