adam ke musafir to sab hain magar

'adam ke musāfir to sab haiñ magar

nahīñ hai kisī kā koī ham-safar

maiñ rotā nahīñ huuñ unheñ dekh kar

tamāzat se jalve kī hai chashm tar

nahīñ vo kahāñ aur kab jalva-gar

agar aañkh meñ ho shu'ūr-e-nazar

du'ā meñ ḳhulūs-e-du'ā ho agar

chalā aa.egā haath bāñdhe asar

jab us ruḳh se gesū haTā.e gaye

gale mil ke bichhḌe haiñ shām-o-sahar

mire Dūbne tak hai us kā vujūd

mujhe rahm aatā hai tūfān par

na ho kyuuñ umiid aadmī ko 'adīl'

ye duniyā hī qaa.em hai ummīd par

'adam ke musafir to sab hain magar

nahin hai kisi ka koi ham-safar

main rota nahin hun unhen dekh kar

tamazat se jalwe ki hai chashm tar

nahin wo kahan aur kab jalwa-gar

agar aankh mein ho shu'ur-e-nazar

du'a mein KHulus-e-du'a ho agar

chala aaega hath bandhe asar

jab us ruKH se gesu haTae gaye

gale mil ke bichhDe hain sham-o-sahar

mere Dubne tak hai us ka wujud

mujhe rahm aata hai tufan par

na ho kyun umid aadmi ko 'adil'

ye duniya hi qaem hai ummid par