تمہارا عکس ہر اک جاں ابھارنا ہے ہمیں
تمہارا عکس ہر اک جاں ابھارنا ہے ہمیں
تمام عمر تمہیں کو نہارنا ہے ہمیں
تمہارے ساتھ بہت دن گزارنے کے لیے
تمہارا ہجر بہت دن گزارنا ہے ہمیں
خدا کبھی ہمیں بخشے اگر مراد کوئی
تمہارا نام ہی رب سے پکارنا ہے ہمیں
کبھی ستاروں کے ہمراہ آؤ میرے چاند
تمہارے چہرے کا صدقہ اتارنا ہے ہمیں
تمہارے چہرے پہ لکھنی ہیں سیکڑوں غزلیں
تمہارے حسن پہ لفظوں کو وارنا ہے ہمیں
اگر یہ طے ہے کہ تم ہی مرے مقابل ہو
تو جیتنا ہے تمہیں اور ہارنا ہے ہمیں
ہمارے پاس چلے آؤ مت کرو تاخیر
تمہارے حکم سے خود کو سدھارنا ہے ہمیں
تمہارا ہو کے ہی رہنا ہے ہم کو جان شاہؔ
تمہارے ساتھ مقدر سنوارنا ہے ہمیں
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
