muKHtasar sath ka baDa dukh hai

muḳhtasar saath kā baḌā dukh hai

chand lamhāt kā baḌā dukh hai

karb meñ saath aap bhī na rahe

mujh ko is baat kā baḌā dukh hai

mujh se chālākiyāñ daġhā-bāzī

in kamālāt kā baḌā dukh hai

jo tarastā thā ek qatre ko

us ko barsāt kā baḌā dukh hai

ye tire haath kyuuñ nahīñ aayā

mujh ko is haath kā baḌā dukh hai

ḳhvāb kis kis ke dekhtā hogā

in ḳhayālāt kā baḌā dukh hai

dekh kar pūchhtā hai āñkhoñ meñ

tum ko kis baat kā baḌā dukh hai

din meñ tum ko chhupā hī letā huuñ

dard-e-dil raat kā baḌā dukh hai

bāteñ kartā thā vo muravvat meñ

us kī ḳhairāt kā baḌā dukh hai

saarī duniyā ko jiit kar 'dānish'

'ishq meñ maat kā baḌā dukh hai

muKHtasar sath ka baDa dukh hai

chand lamhat ka baDa dukh hai

karb mein sath aap bhi na rahe

mujh ko is baat ka baDa dukh hai

mujh se chaalakiyan dagha-bazi

in kamalat ka baDa dukh hai

jo tarasta tha ek qatre ko

us ko barsat ka baDa dukh hai

ye tere hath kyun nahin aaya

mujh ko is hath ka baDa dukh hai

KHwab kis kis ke dekhta hoga

in KHayalat ka baDa dukh hai

dekh kar puchhta hai aankhon mein

tum ko kis baat ka baDa dukh hai

din mein tum ko chhupa hi leta hun

dard-e-dil raat ka baDa dukh hai

baaten karta tha wo murawwat mein

us ki KHairaat ka baDa dukh hai

sari duniya ko jit kar 'danish'

'ishq mein mat ka baDa dukh hai