mere jazbaat ki shiddat mujhe le Dubegi
mere jazbāt kī shiddat mujhe le Dūbegī
merī hassās tabī'at mujhe le Dūbegī
mujh ko le Dūbeñge patthar ke ḳhudā hī saare
sar jhukāne kī ye 'ādat mujhe le Dūbegī
ashk āñkhoñ meñ chhupātī huuñ to dam ghuTtā hai
muskurāne kī ye 'ādat mujhe le Dūbegī
jo mirā thā hī nahīñ aur na hogā merā
us ko paane kī ye hasrat mujhe le Dūbegī
maiñ simaTtī hī rahūñgī yuuñ hī apne andar
us kī bebāk tabī'at mujhe le Dūbegī
kitnā āsān hai is daur maiñ shohrat paanā
aur ab apnī hī ġhairat mujhe le Dūbegī
mere jazbaat ki shiddat mujhe le Dubegi
meri hassas tabi'at mujhe le Dubegi
mujh ko le Dubenge patthar ke KHuda hi sare
sar jhukane ki ye 'adat mujhe le Dubegi
ashk aankhon mein chhupati hun to dam ghuTta hai
muskurane ki ye 'adat mujhe le Dubegi
jo mera tha hi nahin aur na hoga mera
us ko pane ki ye hasrat mujhe le Dubegi
main simaTti hi rahungi yun hi apne andar
us ki bebak tabi'at mujhe le Dubegi
kitna aasan hai is daur main shohrat pana
aur ab apni hi ghairat mujhe le Dubegi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
