koi is or agar shauq se aaya hota
koī is or agar shauq se aayā hotā
raah meñ ham ne charāġhoñ ko jalāyā hotā
har nazar duur se kahtī hai chale bhī aao
sirf tum ne hī ishāre se bulāyā hotā
vaqt kā kyā hai guzartā hai guzar jaane se
lutf har vaqt kā tū ne to uThāyā hotā
TūTtā huuñ jo zarā sā to bikhar jaatā huuñ
kaash patthar se mirā jism banāyā hotā
phuul khilte hī laraztā hai tire kāñTe se
phuul par aise muhāfiz kā na saayā hotā
koi is or agar shauq se aaya hota
rah mein hum ne charaghon ko jalaya hota
har nazar dur se kahti hai chale bhi aao
sirf tum ne hi ishaare se bulaya hota
waqt ka kya hai guzarta hai guzar jaane se
lutf har waqt ka tu ne to uThaya hota
TuTta hun jo zara sa to bikhar jata hun
kash patthar se mera jism banaya hota
phul khilte hi larazta hai tere kanTe se
phul par aise muhafiz ka na saya hota
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
