kahin pe yaadon ne hath thama kahin ibaadat se dil sanbhaala

kahīñ pe yādoñ ne haath thāmā kahīñ 'ibādat se dil sañbhālā

tumhārī hijrat ke baa'd ham ne baḌī mashaqqat se dil sañbhālā

nahīñ hai aisā jahāñ meñ koī ki jis ko dil meñ basā.eñge phir

jo milne vaale nahīñ the ham ne unhīñ kī chāhat se dil sañbhālā

jo jaane vaale the jā chuke haiñ dil-e-hazīñ ko ye ġham baḌā hai

jo tum nahīñ the to ġhair aa.e aur un kī sohbat se dil sañbhālā

gumāñ nahīñ thā hameñ qasam se raheñge zinda binā tumhāre

sukūñ hamārā tumhī the jānāñ tumhārī nisbat se dil sañbhālā

hamārā milnā nahīñ thā mumkin ye dil to 'almās' jāntā thā

magar tumhāre hī ḳhvāb dekhe tumhārī hasrat se dil sañbhālā

kahin pe yaadon ne hath thama kahin 'ibaadat se dil sanbhaala

tumhaari hijrat ke ba'd hum ne baDi mashaqqat se dil sanbhaala

nahin hai aisa jahan mein koi ki jis ko dil mein basaenge phir

jo milne wale nahin the hum ne unhin ki chahat se dil sanbhaala

jo jaane wale the ja chuke hain dil-e-hazin ko ye gham baDa hai

jo tum nahin the to ghair aae aur un ki sohbat se dil sanbhaala

guman nahin tha hamein qasam se rahenge zinda bina tumhaare

sukun hamara tumhi the jaanan tumhaari nisbat se dil sanbhaala

hamara milna nahin tha mumkin ye dil to 'almas' jaanta tha

magar tumhaare hi KHwab dekhe tumhaari hasrat se dil sanbhaala