guftugu-e-lab-o-ruKHsar se aage na baDhe
guftugū-e-lab-o-ruḳhsār se aage na baḌhe
ahl-e-dil 'ishq ke iz.hār se aage na baḌhe
ye hamīñ the ki bharam aap kā rakkhā ham ne
ham kabhī hasrat-e-dīdār se aage na baḌhe
jaane kyā soch ke dīvānoñ ne yalġhār na kī
baḌhte baḌhte tirī dīvār se aage na baḌhe
dāman-e-shām-o-sahar haath na aayā ab tak
rāh-rau vaqt kī raftār se aage na baḌhe
aap se bhī bahut ummīd hameñ thī 'muztar'
aap bhī kūcha-e-dildār se aage na baḌhe
guftugu-e-lab-o-ruKHsar se aage na baDhe
ahl-e-dil 'ishq ke izhaar se aage na baDhe
ye hamin the ki bharam aap ka rakkha hum ne
hum kabhi hasrat-e-didar se aage na baDhe
jaane kya soch ke diwanon ne yalghaar na ki
baDhte baDhte teri diwar se aage na baDhe
daman-e-sham-o-sahar hath na aaya ab tak
rah-rau waqt ki raftar se aage na baDhe
aap se bhi bahut ummid hamein thi 'muztar'
aap bhi kucha-e-dildar se aage na baDhe
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
