nigah-e-yar ke mantar nahin samajhta tha
nigāh-e-yār ke mantar nahīñ samajhtā thā
maiñ us kī baat ko far-far nahīñ samajhtā thā
tamām vaqt guzartā thā sāhiloñ se pare
hamāre bhed samundar nahīñ samajhtā thā
tire vujūd se duniyā sañvar chukī thī mirī
tujhe maiñ sirf muqaddar nahīñ samajhtā thā
bahut yaqīñ thā mujhe zindagī ke baare meñ
magar maiñ aap se behtar nahīñ samajhtā thā
mirī udaas havāoñ se āshnā.ī thī
vo pichhlī raat kā manzar nahīñ samajhtā thā
kiyā ḳhud us ke ravayye ne munkashif mujh par
maiñ avvalan use patthar nahīñ samajhtā thā
nigah-e-yar ke mantar nahin samajhta tha
main us ki baat ko far-far nahin samajhta tha
tamam waqt guzarta tha sahilon se pare
hamare bhed samundar nahin samajhta tha
tere wujud se duniya sanwar chuki thi meri
tujhe main sirf muqaddar nahin samajhta tha
bahut yaqin tha mujhe zindagi ke bare mein
magar main aap se behtar nahin samajhta tha
meri udas hawaon se aashnai thi
wo pichhli raat ka manzar nahin samajhta tha
kiya KHud us ke rawayye ne munkashif mujh par
main awwalan use patthar nahin samajhta tha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
