hasraton ki rakh jab dil mein dabi rah jaegi

hasratoñ kī raakh jab dil meñ dabī rah jā.egī

bas ki hoñToñ par bhī mohr-e-ḳhāmushī rah jā.egī

sard-mehrī kā yahī 'ālam rahā to ek din

kaisā iḳhlās-e-vafā kyā dostī rah jā.egī

ġham kā bādal to navāh-e-jāñ meñ barsegā zarūr

ḳhushk chehra ho to āñkhoñ meñ namī rah jā.egī

har taraf jaag uTTheñge hangāme aur apnī nazar

pur-sukūñ kaliyoñ kā manzar DhūñDtī rah jā.egī

āñdhiyāñ le jā.eñgī sab ke gharoñ kī bijliyāñ

sirf kuTiyā meñ diye kī raushnī rah jā.egī

apnī āñkhoñ par zarā qaabū karo varna 'zafar'

āñsuoñ ke ghar meñ vo sūrat chhupī rah jā.egī

hasraton ki rakh jab dil mein dabi rah jaegi

bas ki honTon par bhi mohr-e-KHamushi rah jaegi

sard-mehri ka yahi 'alam raha to ek din

kaisa iKHlas-e-wafa kya dosti rah jaegi

gham ka baadal to nawah-e-jaan mein barsega zarur

KHushk chehra ho to aankhon mein nami rah jaegi

har taraf jag uTThenge hangame aur apni nazar

pur-sukun kaliyon ka manzar DhunDti rah jaegi

aandhiyan le jaengi sab ke gharon ki bijliyan

sirf kuTiya mein diye ki raushni rah jaegi

apni aankhon par zara qabu karo warna 'zafar'

aansuon ke ghar mein wo surat chhupi rah jaegi