یار کسی کو پا کر کھونا اتنا بھی آسان نہیں
یار کسی کو پا کر کھونا اتنا بھی آسان نہیں
ہنستے ہونٹوں سے پھر رونا اتنا بھی آسان نہیں
ہم نے اپنا درد سنایا لطف اٹھایا محفل نے
اس دنیا میں شاعر ہونا اتنا بھی آسان نہیں
جن سے رشتہ ٹوٹ گیا ہو ان سے پھر ہنس کے ملنا
خاک ہوئے رشتوں کو ڈھونا اتنا بھی آسان نہیں
جن سوکھی آنکھوں سے موتی آنسو بن کے جھر جائیں
ان آنکھوں میں خواب پرونا اتنا بھی آسان نہیں
جن لفظوں کو کہہ دینے سے سننے والے واہ کہیں
ان شعروں پر آنکھ بھگونا اتنا بھی آسان نہیں
رشتوں پر گر آنچ بڑھے تو سہہ کر پیچھے ہٹ جائیں
یار مسافرؔ کائر ہونا اتنا بھی آسان نہیں
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
Click on any word to get its meaning
