yar kisi ko pa kar khona itna bhi aasan nahin
yaar kisī ko pā kar khonā itnā bhī āsān nahīñ
hañste hoñToñ se phir ronā itnā bhī āsān nahīñ
ham ne apnā dard sunāyā lutf uThāyā mahfil ne
is duniyā meñ shā'ir honā itnā bhī āsān nahīñ
jin se rishta TuuT gayā ho un se phir hañs ke milnā
ḳhaak hue rishtoñ ko Dhonā itnā bhī āsān nahīñ
jin sūkhī āñkhoñ se motī aañsū ban ke jhar jaa.eñ
un āñkhoñ meñ ḳhvāb pironā itnā bhī āsān nahīñ
jin lafzoñ ko keh dene se sunñe vaale vaah kaheñ
un she'roñ par aañkh bhigonā itnā bhī āsān nahīñ
rishtoñ par gar aañch baḌhe to sah kar pīchhe haT jaa.eñ
yaar 'musāfir' kāyar honā itnā bhī āsān nahīñ
yar kisi ko pa kar khona itna bhi aasan nahin
hanste honTon se phir rona itna bhi aasan nahin
hum ne apna dard sunaya lutf uThaya mahfil ne
is duniya mein sha'ir hona itna bhi aasan nahin
jin se rishta TuT gaya ho un se phir hans ke milna
KHak hue rishton ko Dhona itna bhi aasan nahin
jin sukhi aankhon se moti aansu ban ke jhar jaen
un aankhon mein KHwab pirona itna bhi aasan nahin
jin lafzon ko keh dene se sunne wale wah kahen
un she'ron par aankh bhigona itna bhi aasan nahin
rishton par gar aanch baDhe to sah kar pichhe haT jaen
yar 'musafir' kayar hona itna bhi aasan nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
