دعا میں یہ اثر آئے کسی دن
دعا میں یہ اثر آئے کسی دن
نجف کی خاک مل جائے کسی دن
بدن میں اس لئے بھی رہ رہے ہیں
نہ جانے کب وہ لوٹ آئے کسی دن
خدا سے بس یہی اک التجا ہے
تجھے تجھ سا ہی ملوائے کسی دن
مری خاطر دعا اتنی سی کرنا
مرا محبوب لوٹ آئے کسی دن
محبت میں کبھی یہ معجزہ ہو
مقام دار آ جائے کسی دن
ہمارے آنسوؤں پر ہنس رہے ہو
تمہیں بھی کوئی تڑپائے کسی دن
تمہاری آنکھ سے آنسو بہیں گے
اگر فرحانؔ مر جائے کسی دن
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
Click on any word to get its meaning
