dua mein ye asar aae kisi din

du'ā meñ ye asar aa.e kisī din

najaf kī ḳhaak mil jaa.e kisī din

badan meñ is liye bhī rah rahe haiñ

na jaane kab vo lauT aa.e kisī din

ḳhudā se bas yahī ik iltijā hai

tujhe tujh sā hī milvā.e kisī din

mirī ḳhātir du'ā itnī sī karnā

mirā mahbūb lauT aa.e kisī din

mohabbat meñ kabhī ye mo'jiza ho

maqām-e-dār aa jaa.e kisī din

hamāre āñsuoñ par hañs rahe ho

tumheñ bhī koī taḌpā.e kisī din

tumhārī aañkh se aañsū baheñge

agar 'farhān' mar jaa.e kisī din

du'a mein ye asar aae kisi din

najaf ki KHak mil jae kisi din

badan mein is liye bhi rah rahe hain

na jaane kab wo lauT aae kisi din

KHuda se bas yahi ek iltija hai

tujhe tujh sa hi milwae kisi din

meri KHatir du'a itni si karna

mera mahbub lauT aae kisi din

mohabbat mein kabhi ye mo'jiza ho

maqam-e-dar aa jae kisi din

hamare aansuon par hans rahe ho

tumhein bhi koi taDpae kisi din

tumhaari aankh se aansu bahenge

agar 'farhan' mar jae kisi din