بہتا ہے میری آنکھ سے آنسو نہیں لہو

بہتا ہے میری آنکھ سے آنسو نہیں لہو

جس کا سبب ہے عشق فقط عشق اور تو

اے یار دیکھتا ہوں تعجب سے آئنہ

جیسے کہ میں نے دیکھا ہو اس کو ہی ہو بہ ہو

دنیا سے ایک بات ہے یہ سیکھنی مجھے

آئے نہ جو سمجھ میں اسے کہنا فالتو

آخر وہ کون ہے جسے یہ دستیاب ہے

ہم کو تو کھا گئی ہے محبت کی آرزو

اک دن نکال پھینکیں گے دفتر سے تم کو لوگ

تم میں سے آ رہی ہے شرافت کی ایک بو

گھٹ گھٹ کے مر گیا وہ تماشے کے بیچ میں

تم تالیاں بجاتے رہے تھو ہے تم پہ تھو