bahta hai meri aankh se aansu nahin lahu

bahtā hai merī aañkh se aañsū nahīñ lahū

jis kā sabab hai 'ishq faqat 'ishq aur tū

ai yaar dekhtā huuñ ta'ajjub se aa.ina

jaise ki maiñ ne dekhā ho us ko hī hū-ba-hū

duniyā se ek baat hai ye sīkhnī mujhe

aa.e na jo samajh meñ use kahnā fāltū

āḳhir vo kaun hai jise ye dastyāb hai

ham ko to khā ga.ī hai mohabbat kī aarzū

ik din nikāl pheñkeñge daftar se tum ko log

tum meñ se aa rahī hai sharāfat kī ek bū

ghuT ghuT ke mar gayā vo tamāshe ke biich meñ

tum tāliyāñ bajāte rahe thū hai tum pe thū

bahta hai meri aankh se aansu nahin lahu

jis ka sabab hai 'ishq faqat 'ishq aur tu

ai yar dekhta hun ta'ajjub se aaina

jaise ki main ne dekha ho us ko hi hu-ba-hu

duniya se ek baat hai ye sikhni mujhe

aae na jo samajh mein use kahna faltu

aaKHir wo kaun hai jise ye dastyab hai

hum ko to kha gai hai mohabbat ki aarzu

ek din nikal phenkenge daftar se tum ko log

tum mein se aa rahi hai sharafat ki ek bu

ghuT ghuT ke mar gaya wo tamashe ke bich mein

tum taliyan bajate rahe thu hai tum pe thu