نہ تو کارواں کی تلاش ہے نہ تو راہبر کی تلاش ہے

نہ تو کارواں کی تلاش ہے نہ تو راہبر کی تلاش ہے

میرے شوق خانہ خراب کو تیری رہگزر کی تلاش ہے

میرے نامراد جنون کا ہے علاج کوئی تو موت ہے

جو دوا کے نام پہ زہر دے اسی چارہ گر کی تلاش ہے

تیرا عشق ہے میری آرزو تیرا عشق ہے میری آبرو

تیرا عشق میں کیسے چھوڑ دوں میری عمر بھر کی تلاش ہے

دل عشق جسم عشق ہے اور جان عشق ہے

ایمان کی جو پوچھو تو ایمان عشق ہے

تیرا عشق میں کیسے چھوڑ دوں میری عمر بھر کی تلاش ہے

وحشت دل رسن و دار سے روکی نہ گئی

کسی خنجر کسی تلوار سے روکی نہ گئی

عشق مجنوں کی وہ آواز ہے جس کے آگے

کوئی لیلا کسی دیوار سے روکی نہ گئی

یہ عشق عشق ہے

وہ ہنس کے اگر مانگے تو ہم جان بھی دے دیں

یہ جان تو کیا چیز ہیں ایمان بھی دے دیں

عشق آزاد ہے ہندو نہ مسلمان ہے عشق

آپ ہی دھرم ہے آپ ہی ایمان ہے عشق

جس سے آگاہ نہیں شیخ و برہمن دونوں

اس حقیقت کا گرجتا ہوا اعلان ہے عشق

عشق نہ پوچھے دین دھرم نوں عشق نہ پوچھے ذاتاں

عشق دے ہتھوں گرم لہو وچ ڈوبیاں لکھ براتاں

یہ عشق عشق ہے

جب جب کرشن کی بنسی باجی نکلی رادھا گھر سے

جان انجان کا بھید بھلا کے لوک لاج کو تج کے

بن بن ڈولی جنک دلاری پہن کے پریم کی مالا

درشن جل کی پیاسی میرا پی گئی وش کا پیالا

یہ عشق عشق ہے

اللہ اور رسول کا فرمان عشق ہے

یعنی حدیث عشق ہے قرآن عشق ہے

گوتم کا اور مسیحا کا ارمان عشق ہے

یہ کائنات عشق ہے اور جان عشق ہے

عشق سرمد عشق ہی منصور ہے

عشق موسیٰ عشق کوہ نور ہے

خاک کو بت اور بت کو دیوتا کرتا ہے عشق

انتہا یہ ہے کہ بندے کو خدا کرتا ہے عشق

یہ عشق عشق ہے