خواب بن کر ہر خوشی رہ جائے گی
خواب بن کر ہر خوشی رہ جائے گی
بن ترے کیا زندگی رہ جائے گی
ہجر کی منظر کشی رہ جائے گی
آنکھ میں یارو نمی رہ جائے گی
پنچھی سارے پیڑ سے اڑ جائیں گے
صحن میں اک خامشی رہ جائے گی
یوں تو سب ہی لوگ ہوں گے بزم میں
تو نہ ہوگا تو کمی رہ جائے گی
جانے والا لوٹ کر نہ آئے گا
آنکھ در پر ہی جمی رہ جائے گی
پھر کہاں افضل خلوص دوستاں
نام کی جب دوستی رہ جائے گی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
