KHud ko har roz imtihan mein rakh
ḳhud ko har roz imtihān meñ rakh
baal o par kaaT kar uḌaan meñ rakh
sun ke dushman bhī dost ho jaa.e
shahad se lafz bhī zabān meñ rakh
ye to sach hai ki vo sitamgar hai
dar par aayā hai to amaan meñ rakh
marhale aur aane vaale haiñ
tiir apnā abhī kamān meñ rakh
vaqt sab se baḌā muhāsib hai
baat itnī mirī dhyān meñ rakh
tazkira ho tirā zamāne meñ
aisā pahlū koī bayān meñ rakh
tujh ko nasleñ ḳhudā na kah baiTheñ
apnī tasvīr mat makān meñ rakh
jis kī qismat hai begharī 'manzar'
un ko to apne sā.ebān meñ rakh
KHud ko har roz imtihan mein rakh
baal o par kaT kar uDan mein rakh
sun ke dushman bhi dost ho jae
shahad se lafz bhi zaban mein rakh
ye to sach hai ki wo sitamgar hai
dar par aaya hai to aman mein rakh
marhale aur aane wale hain
tir apna abhi kaman mein rakh
waqt sab se baDa muhasib hai
baat itni meri dhyan mein rakh
tazkira ho tera zamane mein
aisa pahlu koi bayan mein rakh
tujh ko naslen KHuda na kah baiThen
apni taswir mat makan mein rakh
jis ki qismat hai beghari 'manzar'
un ko to apne saeban mein rakh
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
