dil jo ummid-war hota hai

dil jo ummīd-vār hotā hai

tīr-e-ġham kā shikār hotā hai

jab tirā intizār hotā hai

dil mirā be-qarār hotā hai

ye hī fasl-e-junūñ kī hai tamhīd

pairahan taar taar hotā hai

aañkh milte hī us sitamgar se

tiir siine ke paar hotā hai

muskurāhaT laboñ pe hai un ke

dil mirā ashk-bār hotā hai

us kā karte haiñ e'tibār ki jo

qābil-e-e'tibār hotā hai

uTh ke pahlū se jā rahā hai koī

kyā ye parvardigār hotā hai

kyā batā.ūñ tirī judā.ī meñ

jo mirā hāl-e-zār hotā hai

shām-e-ġham intizār meñ un ke

maut kā intizār hotā hai

un ke jaane kā naam sun kar 'rāz'

kuchh ajab hāl-e-zār hotā hai

dil jo ummid-war hota hai

tir-e-gham ka shikar hota hai

jab tera intizar hota hai

dil mera be-qarar hota hai

ye hi fasl-e-junun ki hai tamhid

pairahan tar tar hota hai

aankh milte hi us sitamgar se

tir sine ke par hota hai

muskurahaT labon pe hai un ke

dil mera ashk-bar hota hai

us ka karte hain e'tibar ki jo

qabil-e-e'tibar hota hai

uTh ke pahlu se ja raha hai koi

kya ye parwardigar hota hai

kya bataun teri judai mein

jo mera haal-e-zar hota hai

sham-e-gham intizar mein un ke

maut ka intizar hota hai

un ke jaane ka nam sun kar 'raaz'

kuchh ajab haal-e-zar hota hai