اپنی ہی روانی میں بہتا نظر آتا ہے
اپنی ہی روانی میں بہتا نظر آتا ہے
یہ شہر بلندی سے دریا نظر آتا ہے
دیتا ہے کوئی اپنے دامن کی ہوا اس کو
شعلہ سا مرے دل میں جلتا نظر آتا ہے
اس ہاتھ کا تحفہ تھا اک داغ مرے دل پر
وہ داغ بھی اب لیکن جاتا نظر آتا ہے
آنکھوں کے مقابل ہے کیسا یہ عجب منظر
صحرا تو نہیں لیکن صحرا نظر آتا ہے
اک شکل سی بنتی ہے ہر شب مری نیندوں میں
اک پھول سا خوابوں میں کھلتا نظر آتا ہے
آنکھوں نے نہیں دیکھی اس جسم کی رعنائی
یہ چار طرف جس کا سایا نظر آتا ہے
دریا کو کنارے سے کیا دیکھتے رہتے ہو
اندر سے کبھی دیکھو کیسا نظر آتا ہے
پھر ضو میں ندیمؔ اپنی کچھ کم ہے ستارہ وہ
یہ رات کا آئینہ دھندلا نظر آتا ہے
یہ متن درج ذیل زمرے میں بھی شامل ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
