حجاب امتیاز علی کے افسانے

اندھی محبت

کسی حادثے میں نابینا ہوئی ایک لڑکی کی داستان ہے۔ جو ڈاکٹر اس کا علاج کر رہا ہے، لڑکی کو اس ڈاکٹر سے محبت ہو جاتی ہے اور بالآخر ان کی شادی ہو جاتی ہے۔ لڑکی کے آنکھوں کے آپریشن کے بعد جب وہ اپنے شوہر کو دیکھتی ہے تو اسے دیکھ کر اتنی حیران ہوتی ہے کہ وہ دل ہی دل میں دعا کرتی ہے کہ کاش اسکی آنکھیں ٹھیک نہیں ہوئی ہوتیں۔ لڑکی کی یہ حالات دیکھ کر اس کا ڈاکٹر شوہر اسے اپنے معاون کے حوالے کر اس کی زندگی سے چلا جاتا ہے۔

میری ناتمام محبت

یہ ایک ایسی لڑکی کی کہانی ہے جسے اپنے سے دوگنے عمر کے مرد سے محبت ہو جاتی ہے۔ اس کے والدین کھلے مزاج کے ہیں اور ہر فیصلے میں اپنی بیٹی کے مشورے کو ترجیح دیتے ہیں، ان سب کے باوجود وہ اس مرد سے شادی نہیں کر پاتی ہے۔

ہمجنس با ہمجنس

یہ ایک ایسے جوڑے کی کہانی ہے جن کی شادیاں ادھیڑ عمر کے ساتھیوں کے ساتھ ہو جاتی ہیں۔ اتفاق سے ایک سفر کے دوران ان دونوں کی ملاقات ہوتی ہے اور پھر اس کے بعد ان کی زندگی پوری طرح سے بدل جاتی ہے۔

احتیاط عشق

کہانی ایک ایسی لڑکی کی ہے جس نے اپنے محبوب کو ایک سال قبل دیکھا تھا اور اسکی آنکھوں میں محبوب کا وہی عکس تھا۔ اب جبکہ وہ اس سے ملنے آرہا تھا تو وہ اس کے استقبال میں کوئی کمی نہیں رہنے دینا چاہتی تھی۔ اس نے سنا تھا کی اسکا محبوب فوج میں بھرتی ہو گیا ہے، اس سے اس میں اور بھی بانکپن آگیا ہوگا۔ مگر جب اس نے اسے ایئر پورٹ پر دیکھا تو وہ اسے دیکھ کر اس قدر حیران ہوئی کہ ایک بار تو اس نے اسے پہچاننے سے ہی انکار کر دیا۔

اس کا ایک ہاتھ کٹا ہوا تھا

یہ ایک ایسے ہوٹل کی کہانی ہے جس میں ایک مخصوص تاریخ کو ایک عورت کا بڑی بے رحمی سے قتل کر دیا جاتا ہے۔ ہر سال اس مخصوص تاریخ کو ہوٹل والے ہوٹل خالی کر دیتے ہیں کہ انھیں شبہ ہے کہ اس عورت کا بھوت انتقام لینے وہاں آتا ہے۔ سوئے اتفاق اس مخصوص تاریخ کو ہوٹل میں دو فوجیوں کا قیام ہوتا ہے اور انھوں نے اس عورت اور اس کے قتل کی پوری حقیقت سامنے رکھ دی۔

ممی خانے میں ایک رات

یہ ایک تجرباتی کہانی ہے۔ ایک ڈاکٹر نے اپنے پوسٹ مارٹم ہائوس کا نام ممی خانہ رکھا ہے۔ اس علاقے میں ہیضے کی وبا پھیلی ہوئی ہے۔ سارا دن ہنستا کھیلتا انسان شام ہوتے ہوتے موت کی گود میں پناہ لے لیتا تھا۔ ممی خانے میں لاشوں کا انبار لگا ہوا ہے اور ان لاشوں کے ساتھ ڈاکٹر اپنا تجربہ کرتا ہے۔

محبت یا ہلاکت؟

کہانی ایک ایسے شخص کی داستان کو بیان کرتی ہے جو اپنی چچازاد بہن سے بہت محبت کرتا ہے۔ یکبارگی وہ چچازاد بیمار پڑ جاتی ہے اور اسکے علاج کے لیے ایک نوجوان ڈاکٹر آنے لگتا ہے۔ چچازاد ڈاکٹر کی جانب مائل ہونے لگتی ہے اور اس سے شادی کرنے کا فیصلہ کر لیتی ہے۔ اس کے اس فیصلے پر اس کا چچازاد بھائی اپنے رقیب ڈاکٹر کا قتل کر دیتا ہے۔

ظالم محبت

یہ ایک عورت اور دو مردوں کی کہانی ہے۔ پہلا مرد عورت سے بے پناہ محبت کرتا ہے اور دوسرے مرد کو یہ خبر تک نہیں کہ وہ عورت اسے چاہتی ہے۔ ایک دن وہ دوسرے مرد کے پاس جاتی ہے اور اسکے سامنے اپنے دل کی بات کو ایک افسانے کے پلاٹ کے طور پر پیش کرتے ہوئے اس الجھن کا حل اس مرد سے پوچھتی ہے۔

صنوبر کے سائے

یہ افسانہ ایک ایسے شخص کی روداد کو بیان کرتا ہے جو شک کی بنا پر اپنی بیوی کا قتل کر دیتا ہے۔ کافی عرصہ قبل وہ اس جگہ گھومنے کے لیے آیا تھا اور اس لڑکی سے عشق ہو گیا تھا۔ اس نے اس لڑکی سے شادی کی اور یہیں کا ہو کر رہ گیا۔ ایک روز اس کی بیوی نے ایک خواب دیکھا اور اس خواب کو حقیقت میں تبدیل ہونے سے روکنے کے لیے ان کی زندگی میں کچھ ایسی تبدیلی آئی کہ اس شخص نے اپنی بیوی کا ہی قتل کر دیا۔

وہ طریقہ تو بتا دو تمہیں چاہیں کیونکر؟

یہ نوجوان محبت کی داستان ہے۔ ایک نوجوان ایک لڑکی سے بے ہناہ محبت کرتا ہے لیکن لڑکی اس کے اظہار محبت کے ہر طریقے کو دقیانوسی، پرانا اور بور کہتی رہتی ہے۔ پھر یکبارگی جب نوجوان اسے دھمکی دیتا ہوا اپنی محبت کا اظہار کرتا ہے تو لڑکی مان جاتی ہے کہ اس میں محبت کا اظہار کرنے کی صلاحیت موجود ہے۔

جنازہ

یہ مسجد کے ایک موذن کی کہانی ہے جسکا قیام مسجد میں ہی رہتا ہے۔ ایک روز مسجد میں نماز جنازہ کے لیے ایک جنازہ لایا جاتا ہے کہ اسی وقت تیز بارش ہونے لگتی ہے۔ لوگ جنازے کو اس کی تحویل میں دے کر چلے گیے کہ بارش کھلنے پر جنازہ کو دفن کیا جائے گا۔ رات کو جنازے کے پاس تنہا بیٹھے موذن کے سامنے ایک ایسا واقعہ پیش آیا کہ صبح ہوتے ہی اس کی بھی موت ہو گئی۔

وہ قدیم اداس رات

یہ دو ایسی سہیلیوں کی کہانی ہے جو باہر سے جس قدر ایک دوسرے کے قریب دکھائی دیتی ہیں در اصل دونوں ایک دوسرے سے دور ہیں۔ ایک اداس رات میں، جبکہ ہر طرف خاموشی ہے دونوں ایک دوسرے سے اپنے دل کی بات کہتی ہیں اور سکون محسوس کرتی ہیں۔

بیمار غم

یہ کہانی سماج میں عورت کے حالات کی عکاسی کرتی ہے۔ سماج نے عورت کو ہر طرح کے حق دے رکھے ہیں مگر جس حق کی اسے سب سے زیادہ ضرورت ہے اسی سے اسے محروم رکھا گیا ہے اور وہ حق ہے اپنی پسند کے شریک حیات کے انتخاب کا۔ اگر یہ حق اسے نہیں تو پھر اس زندگی کا فائدہ ہی کیا؟

مہمان داری

یہ ایک جاسوسی قسم کی کہانی ہے۔ دو لڑکیاں ایک پروفیسر کے ساتھ سمندر کے کھنڈر کی سیاحت کے لیے رات کا سفر طے کر دوسرے شہر جاتے ہیں۔ اس شہر میں ان کا قیام ایک مادام کے گھر میں ہوتا ہے لیکن جب اس مادام کی حقیقت کا پتہ چلتا ہے تو حالات دوسرا ہی رخ اختیار کر لیتے ہیں۔

یاد رفتگان

(رات کے سناٹے میں) کچھ خبر ہے تجھ کو اے آسودہ خواب لحد شب جو تیری یاد میں ہم تا سحر رویا کے رونے والے تیرے تجھ کو عمر بھر رویا کے روزوشب رویا کئے شام و سحر رویا کےا پیارے رفیق! مجھے ڈر ہے کہ آج کی رات بھی۔۔ اپنی الم انگیزی اور ماتمی نشانات

کونٹ الیاس کی موت

یہ کہانی ایک ایسی لڑکی کی ہے جو سیر کے لیے پہاڑی علاقے میں گئی ہوئی ہے کہ اسے اپنے چچا کی بیماری کا خط ملتا ہے۔ اس کے گھر پہنچنے کے اگلے ہی دن چچا کی موت ہو جاتی ہے۔ چچا کی موت کے بعد گھر والوں کے سامنے کچھ ایسے عجیب و غریب واقعات پیش آتے ہیں جو ان کے لیے منحوس اور ڈراؤنے ثابت ہوتے ہیں۔