nahii.n ki baat mirii dar-KHur-e-shunuud nahii.n

nahīñ ki baat mirī dar-ḳhor-e-shunūd nahīñ

ye vo sahar hai jo sharminda-e-numūd nahīñ

navādirāt-e-guhar kyā ki ab to palkoñ par

kahāñ ke ashk nam-e-ashk kā vujūd nahīñ

haiñ ab shikast-e-salāsil se ḳhush na ham na ġhazāl

unheñ ḳhirām to ham ko sar-e-surod nahīñ

faroġh-e-jām se kasb-e-nashāt kaun kare

ki ab dimāġh hī kuchh ḳhūgar-e-kashūd nahīñ

sadā sunī to hayūlā tirā tarāsh liyā

mazāq-e-dīd ab ehsāñ-kash-e-varūd nahīñ

hijāb mujh se bhalā kyā ki ab nigāh mirī

fareb-ḳhurda-e-nairangī-e-shuhūd nahīñ

nihāyat is kī girebāñ se chāk-e-jāñ tak hai

junūñ ko mā'rifat-e-hifz-e-tār-o-pūd nahīñ

hazār jabr-e-musalsal se ashk ashk sahī

uḌī uḌī mirī sūrat ba-rang-e-dūd nahīñ

vo daur-e-jām chalā raat bhar ki saaqī kā

kisī bhī rind ko aaj intizār-e-jūd nahīñ

ġham-e-habīb meñ kho kar hī rah na jā 'ġhālib'

tarīq-e-'ishq meñ gunjā.ish-e-jumūd nahīñ

nahin ki baat meri dar-KHor-e-shunud nahin

ye wo sahar hai jo sharminda-e-numud nahin

nawadiraat-e-guhar kya ki ab to palkon par

kahan ke ashk nam-e-ashk ka wujud nahin

hain ab shikast-e-salasil se KHush na hum na ghazal

unhen KHiram to hum ko sar-e-surod nahin

farogh-e-jam se kasb-e-nashat kaun kare

ki ab dimagh hi kuchh KHugar-e-kashud nahin

sada suni to hayula tera tarash liya

mazaq-e-did ab ehsan-kash-e-warud nahin

hijab mujh se bhala kya ki ab nigah meri

fareb-KHurda-e-nairangi-e-shuhud nahin

nihayat is ki gireban se chaak-e-jaan tak hai

junun ko ma'rifat-e-hifz-e-tar-o-pud nahin

hazar jabr-e-musalsal se ashk ashk sahi

uDi uDi meri surat ba-rang-e-dud nahin

wo daur-e-jam chala raat bhar ki saqi ka

kisi bhi rind ko aaj intizar-e-jud nahin

gham-e-habib mein kho kar hi rah na ja 'ghaalib'

tariq-e-'ishq mein gunjaish-e-jumud nahin