ye bhī mumkin hai urdu zabāñ meñ kahūñ aur duniyā ke fiction se behtar lage

aah bharne lageñ rashk karne lageñ kafka maupassant koī aisī ġhazal

ye bhi mumkin hai urdu zaban mein kahun aur duniya ke fiction se behtar lage

aah bharne lagen rashk karne lagen kafka maupassant koi aisi ghazal

kaash maiñ kah sakūñ apne rangīn ḳhvāboñ meñ Duubī huī laḌkiyāñ jab paḌheñ

aur paḌhte samay ḳhvāb-gāhoñ meñ uḌne lageñ titliyāñ koī aisī ġhazal

kash main kah sakun apne rangin KHwabon mein Dubi hui laDkiyan jab paDhen

aur paDhte samay KHwab-gahon mein uDne lagen titliyan koi aisi ghazal

ye to insāniyat ko Thokar hai

aadmī aadmī kā naukar hai

ye to insaniyat ko Thokar hai

aadmi aadmi ka naukar hai

koī bhī hal nahīñ udāsī kā

mujh se kamre ne bārhā pūchhā

koi bhi hal nahin udasi ka

mujh se kamre ne barha puchha

vo thak ga.ī thī bhiiḌ meñ chalte hue 'zahūr'

us ke badan pe an-ginat āñkhoñ kā bojh thā

wo thak gai thi bhiD mein chalte hue 'zahur'

us ke badan pe an-ginat aankhon ka bojh tha