diloñ ke biich na dīvār hai na sarhad hai

dikhā.ī dete haiñ sab fāsle nazar ke mujhe

dilon ke bich na diwar hai na sarhad hai

dikhai dete hain sab fasle nazar ke mujhe

jhuuT bhī sach kī tarah bolnā aatā hai use

koī luknat bhī kahīñ par nahīñ aane detā

jhuT bhi sach ki tarah bolna aata hai use

koi luknat bhi kahin par nahin aane deta

jo paḌhā hai use jiinā hī nahīñ hai mumkin

zindagī ko maiñ kitāboñ se alag rakhtā huuñ

jo paDha hai use jina hi nahin hai mumkin

zindagi ko main kitabon se alag rakhta hun

ḳhudā-e-amn jo kahtā hai ḳhud ko

zamīñ par ḳhud hī maqtal likh rahā hai

KHuda-e-amn jo kahta hai KHud ko

zamin par KHud hi maqtal likh raha hai

ye amal ret ko paanī nahīñ banñe detā

pyaas ko apnī sarāboñ se alag rakhtā huuñ

ye amal ret ko pani nahin banne deta

pyas ko apni sarabon se alag rakhta hun