nazar bhar ke jo dekh sakte haiñ tujh ko

maiñ un kī nazar dekhnā chāhtā huuñ

nazar bhar ke jo dekh sakte hain tujh ko

main un ki nazar dekhna chahta hun

bardāsht dard-e-ishq kī dushvār ho ga.ī

ab zindagī bhī jaan kā āzār ho ga.ī

bardasht dard-e-ishq ki dushwar ho gai

ab zindagi bhi jaan ka aazar ho gai

uf vo nazar ki sab ke liye dil-navāz hai

merī taraf uThī to talvār ho ga.ī

uf wo nazar ki sab ke liye dil-nawaz hai

meri taraf uThi to talwar ho gai

ḳhudā mujh ko tujh se hī mahrūm kar de

jo kuchh aur tere sivā chāhtā huuñ

KHuda mujh ko tujh se hi mahrum kar de

jo kuchh aur tere siwa chahta hun

kahīñ rusvā na hoñ rañgīniyāñ dard-e-mohabbat kī

mirā itnā ḳhayāl ai dīda-e-ḳhūñ-bār kar lenā

kahin ruswa na hon ranginiyan dard-e-mohabbat ki

mera itna KHayal ai dida-e-KHun-bar kar lena