dam-e-ruḳhsat vo chup rahe 'ābid'

aañkh meñ phailtā gayā kājal

dam-e-ruKHsat wo chup rahe 'abid'

aankh mein phailta gaya kajal

tere ḳhush-posh faqīroñ se vo milte to sahī

jo ye kahte haiñ vafā pairhan-e-chāk meñ hai

tere KHush-posh faqiron se wo milte to sahi

jo ye kahte hain wafa pairhan-e-chaak mein hai

ik din us ne nain milā ke sharmā ke mukh moḌā thā

tab se sundar sundar sapne man ko ghere phirte haiñ

ek din us ne nain mila ke sharma ke mukh moDa tha

tab se sundar sundar sapne man ko ghere phirte hain

yā kabhī āshiqī kā khel na khel

yā agar maat ho to haath na mal

ya kabhi aashiqi ka khel na khel

ya agar mat ho to hath na mal

unhīñ ko arz-e-vafā kā thā ishtiyāq bahut

unhīñ ko arz-e-vafā nā-gavār guzrī hai

unhin ko arz-e-wafa ka tha ishtiyaq bahut

unhin ko arz-e-wafa na-gawar guzri hai