hairat se taktā hai sahrā bārish ke nazrāne ko

kitnī duur se aa.ī hai ye ret se haath milāne ko

hairat se takta hai sahra barish ke nazrane ko

kitni dur se aai hai ye ret se hath milane ko

pakkā rasta kachchī saḌak aur phir pagDanDī

jaise koī chalte chalte thak jaatā hai

pakka rasta kachchi saDak aur phir pagDanDi

jaise koi chalte chalte thak jata hai

jaan hai to jahān hai dil hai to aarzū bhī hai

ishq bhī ho rahegā phir jaan abhī bachā.iye

jaan hai to jahan hai dil hai to aarzu bhi hai

ishq bhi ho rahega phir jaan abhi bachaiye

ye jo maiñ itnī sahūlat se tujhe chāhtā huuñ

dost ik umr meñ miltī hai ye āsānī bhī

ye jo main itni sahulat se tujhe chahta hun

dost ek umr mein milti hai ye aasani bhi

mujhe ye saare masīhā aziiz haiñ lekin

ye kah rahe haiñ ki maiñ tum se fāsla rakkhūñ

mujhe ye sare masiha aziz hain lekin

ye kah rahe hain ki main tum se fasla rakkhun