bint-e-havvā huuñ maiñ ye mirā jurm hai

aur phir shā.erī to kaḌā jurm hai

bint-e-hawwa hun main ye mera jurm hai

aur phir shaeri to kaDa jurm hai

jaane vaale ko chale jaanā hai

phir bhī rasman hī pukārā jaa.e

jaane wale ko chale jaana hai

phir bhi rasman hi pukara jae

ḳhvāb aur tamannā kā kyā hisāb rakhnā hai

ḳhvāhisheñ haiñ sadiyoñ kī umr to zarā sī hai

KHwab aur tamanna ka kya hisab rakhna hai

KHwahishen hain sadiyon ki umr to zara si hai

mire jazboñ ko ye lafzoñ kī bandish maar detī hai

kisī se kyā kahūñ kyā zaat ke andar banātī huuñ

mere jazbon ko ye lafzon ki bandish mar deti hai

kisi se kya kahun kya zat ke andar banati hun

vaqt bhī ab mirā marham nahīñ hone paatā

dard kaisā hai jo maddham nahīñ hone paatā

waqt bhi ab mera marham nahin hone pata

dard kaisa hai jo maddham nahin hone pata