āñdhiyāñ aa.iiñ uThā kar le ga.iiñ sab bastiyāñ

maiñ ne ik dil meñ banāyā thā makāñ achchhā huā

aandhiyan aain uTha kar le gain sab bastiyan

main ne ek dil mein banaya tha makan achchha hua

dulhan kī mehñdī jaisī hai urdu zabāñ kī shakl

ḳhushbū bikhertā hai ibārat kā harf harf

dulhan ki mehndi jaisi hai urdu zaban ki shakl

KHushbu bikherta hai ibarat ka harf harf

ham ehtiyāt kī aisī misāl dete haiñ

tumhārā zikr bhī aayā to Taal dete haiñ

hum ehtiyat ki aisi misal dete hain

tumhaara zikr bhi aaya to Tal dete hain

maiñ tumhāre shahr kī tahzīb se vāqif na thā

pattharoñ se kī nahīñ thī guftugū pahle kabhī

main tumhaare shahr ki tahzib se waqif na tha

pattharon se ki nahin thi guftugu pahle kabhi

tū kahāñ rahtī hai pūchhā thā kisī ne ek din

maiñ ġhamoñ ke saath rahtī huuñ ḳhushī kahne lagī

tu kahan rahti hai puchha tha kisi ne ek din

main ghamon ke sath rahti hun KHushi kahne lagi