ghar to kyā ghar kā nishāñ bhī nahīñ baaqī 'safdar'

ab vatan meñ kabhī jā.eñge to mehmāñ hoñge

ghar to kya ghar ka nishan bhi nahin baqi 'safdar'

ab watan mein kabhi jaenge to mehman honge

ik nigāh-e-ġhalat-andāz sahī

dil kī āḳhir koī qīmat hogī

ek nigah-e-ghalat-andaz sahi

dil ki aaKHir koi qimat hogi

qismatoñ se milā hai dard hameñ

kahīñ ārām-e-dil na ho jaa.e

qismaton se mila hai dard hamein

kahin aaram-e-dil na ho jae

qīmat-e-jins-e-vafā nīm-nigāhī tauba

aisī bāteñ na kareñ aap ki saudā na bane

qimat-e-jins-e-wafa nim-nigahi tauba

aisi baaten na karen aap ki sauda na bane

jaur-e-aflāk kī shirkat kī zarūrat kyā hai

aap kaafī haiñ zamāne ko satāne ke liye

jaur-e-aflak ki shirkat ki zarurat kya hai

aap kafi hain zamane ko satane ke liye