idhar vo sahrā meñ ḳhaak dhuntā udhar vo dariyā kināre gum-sum

ajiib hote haiñ ye ta'alluq musāfiroñ ke musāfiroñ se

idhar wo sahra mein KHak dhunta udhar wo dariya kinare gum-sum

ajib hote hain ye ta'alluq musafiron ke musafiron se

udaas āñkhoñ kī vīrān maañg bharne ko

ye niiñd ḳhvāb kā sindūr le ke aa.ī hai

udas aankhon ki viran mang bharne ko

ye nind KHwab ka sindur le ke aai hai

ham aise jā.eñge le kar balā.eñ duniyā kī

kahīñ na hogā koī hādisa hamāre baad

hum aise jaenge le kar balaen duniya ki

kahin na hoga koi hadisa hamare baad

ḳhuub jāntā hai ye ik faqīr hāthoñ meñ

kab hai be-kasī rakhnā kab hai mo'jiza rakhnā

KHub jaanta hai ye ek faqir hathon mein

kab hai be-kasi rakhna kab hai mo'jiza rakhna

ham se tai hogā zamāne meñ bulandī kā vaqār

nok-e-neza se bhī ham nīche nahīñ dekheñge

hum se tai hoga zamane mein bulandi ka waqar

nok-e-neza se bhi hum niche nahin dekhenge