haveliyāñ bhī haiñ kāreñ bhī kār-ḳhāne bhī

bas aadmī kī kamī dekhtā huuñ shahroñ meñ

haweliyan bhi hain karen bhi kar-KHane bhi

bas aadmi ki kami dekhta hun shahron mein

kisī kisī ko thamātā hai chābiyāñ ghar kī

ḳhudā har ek ko apnā pata nahīñ detā

kisi kisi ko thamata hai chabiyan ghar ki

KHuda har ek ko apna pata nahin deta

phaldār thā to gaañv use pūjtā rahā

sūkhā to qatl ho gayā vo be-zabāñ daraḳht

phaldar tha to ganw use pujta raha

sukha to qatl ho gaya wo be-zaban daraKHt

samundar aañkh se ojhal zarā nahīñ hotā

nadī ko Dar kisī chaTTān kā nahīñ hotā

samundar aankh se ojhal zara nahin hota

nadi ko Dar kisi chaTTan ka nahin hota

zamīñ ko ai ḳhudā vo zalzala de

nishāñ tak sarhadoñ ke jo miTā de

zamin ko ai KHuda wo zalzala de

nishan tak sarhadon ke jo miTa de