maiñ ek zarra bulandī ko chhūne niklā thā

havā ne tham ke zamīñ par girā diyā mujh ko

main ek zarra bulandi ko chhune nikla tha

hawa ne tham ke zamin par gira diya mujh ko

aa gayā yaad unheñ apne kisī ġham kā hisāb

hañsne vāloñ ne mire ashk jo gin ke dekhe

aa gaya yaad unhen apne kisi gham ka hisab

hansne walon ne mere ashk jo gin ke dekhe

zaḳhm kitne tirī chāhat se mile haiñ mujh ko

sochtā huuñ ki kahūñ tujh se magar jaane de

zaKHm kitne teri chahat se mile hain mujh ko

sochta hun ki kahun tujh se magar jaane de

tā umr phir na hogī ujāloñ kī aarzū

tū bhī kisī charāg kī lau se lipaT ke dekh

ta umr phir na hogi ujalon ki aarzu

tu bhi kisi charag ki lau se lipaT ke dekh

ḳhuub ga.e pardes ki apne dīvār-o-dar bhuul ga.e

shīsh-mahal ne aisā gherā miTTī ke ghar bhuul ga.e

KHub gae pardes ki apne diwar-o-dar bhul gae

shish-mahal ne aisa ghera miTTi ke ghar bhul gae

apnī āñkhoñ ke samundar meñ utar jaane de

terā mujrim huuñ mujhe Duub ke mar jaane de

apni aankhon ke samundar mein utar jaane de

tera mujrim hun mujhe Dub ke mar jaane de

is liye chal na sakā koī bhī ḳhanjar mujh par

merī shah-rag pe mirī maañ kī duā rakkhī thī

is liye chal na saka koi bhi KHanjar mujh par

meri shah-rag pe meri man ki dua rakkhi thi

khaḌā huuñ aaj bhī roTī ke chaar harf liye

savāl ye hai kitāboñ ne kyā diyā mujh ko

khaDa hun aaj bhi roTi ke chaar harf liye

sawal ye hai kitabon ne kya diya mujh ko

yaad nahīñ kyā kyā dekhā thā saare manzar bhuul ga.e

us kī galiyoñ se jab lauTe apnā bhī ghar bhuul ga.e

yaad nahin kya kya dekha tha sare manzar bhul gae

us ki galiyon se jab lauTe apna bhi ghar bhul gae

aag duniyā kī lagā.ī huī bujh jā.egī

koī aañsū mire dāman pe bikhar jaane de

aag duniya ki lagai hui bujh jaegi

koi aansu mere daman pe bikhar jaane de

kisī ne haath baḌhāyā hai dostī ke liye

phir ek baar ḳhudā e'tibār de mujh ko

kisi ne hath baDhaya hai dosti ke liye

phir ek bar KHuda e'tibar de mujh ko

saath chalnā hai to phir chhoḌ de saarī duniyā

chal na paa.e to mujhe lauT ke ghar jaane de

sath chalna hai to phir chhoD de sari duniya

chal na pae to mujhe lauT ke ghar jaane de

maiñ ne duniyā chhoḌ dī lekin mirā murda badan

ek uljhan kī tarah qātil kī nazroñ meñ rahā

main ne duniya chhoD di lekin mera murda badan

ek uljhan ki tarah qatil ki nazron mein raha