khaḌā huuñ aaj bhī roTī ke chaar harf liye

savāl ye hai kitāboñ ne kyā diyā mujh ko

khaDa hun aaj bhi roTi ke chaar harf liye

sawal ye hai kitabon ne kya diya mujh ko

is liye chal na sakā koī bhī ḳhanjar mujh par

merī shah-rag pe mirī maañ kī duā rakkhī thī

is liye chal na saka koi bhi KHanjar mujh par

meri shah-rag pe meri man ki dua rakkhi thi

zaḳhm kitne tirī chāhat se mile haiñ mujh ko

sochtā huuñ ki kahūñ tujh se magar jaane de

zaKHm kitne teri chahat se mile hain mujh ko

sochta hun ki kahun tujh se magar jaane de

apnī āñkhoñ ke samundar meñ utar jaane de

terā mujrim huuñ mujhe Duub ke mar jaane de

apni aankhon ke samundar mein utar jaane de

tera mujrim hun mujhe Dub ke mar jaane de

kisī ne haath baḌhāyā hai dostī ke liye

phir ek baar ḳhudā e'tibār de mujh ko

kisi ne hath baDhaya hai dosti ke liye

phir ek bar KHuda e'tibar de mujh ko