bahut ro.egī duniyā us bashar kī bad-nasībī par

jo dāġh-e-ārzū le kar tirī mahfil se niklegā

bahut roegi duniya us bashar ki bad-nasibi par

jo dagh-e-arzu le kar teri mahfil se niklega

na khīñch ai mehrbāñ siine se mere tiir rahne de

nikal jā.egā dam merā jo paikāñ dil se niklegā

na khinch ai mehrban sine se mere tir rahne de

nikal jaega dam mera jo paikan dil se niklega

ye maujoñ ke nahīñ ai nā-ḳhudā taqdīr ke bal haiñ

safīna ġharq ho kar dāman-e-sāhil se niklegā

ye maujon ke nahin ai na-KHuda taqdir ke bal hain

safina gharq ho kar daman-e-sahil se niklega

ḳhudā rakkhe ye pās-e-vaz.a meñ tum se bhī baḌh kar hai

tumhīñ aa kar nikāloge to armāñ dil se niklegā

KHuda rakkhe ye pas-e-waza mein tum se bhi baDh kar hai

tumhin aa kar nikaloge to arman dil se niklega