hai ḳhushī apnī vahī jo kuchh ḳhushī hai aap kī

hai vahī manzūr jo kuchh aap ko manzūr ho

hai KHushi apni wahi jo kuchh KHushi hai aap ki

hai wahi manzur jo kuchh aap ko manzur ho

hai daulat-e-husn paas tere

detā nahīñ kyuuñ zakāt is kī

hai daulat-e-husn pas tere

deta nahin kyun zakat is ki

ḳhud rahm kījiye dil-e-ummīd-vār par

aaphī nikāliye koī sūrat nibāh kī

KHud rahm kijiye dil-e-ummid-war par

aaphi nikaliye koi surat nibah ki

yuuñ intizār-e-yār meñ ham umr bhar rahe

jaise nazar ġharīb kī allāh par rahe

yun intizar-e-yar mein hum umr bhar rahe

jaise nazar gharib ki allah par rahe

chalegā tiir jab apnī duā kā

kaleje dushmanoñ ke chhān degā

chalega tir jab apni dua ka

kaleje dushmanon ke chhan dega