āñkhoñ se mohabbat ke ishāre nikal aa.e

barsāt ke mausam meñ sitāre nikal aa.e

aankhon se mohabbat ke ishaare nikal aae

barsat ke mausam mein sitare nikal aae

mujh se dillī kī nahīñ dil kī kahānī suniye

shahr to ye bhī ka.ī baar luTā hai mujh meñ

mujh se dilli ki nahin dil ki kahani suniye

shahr to ye bhi kai bar luTa hai mujh mein

jahāñ jahāñ koī urdu zabān boltā hai

vahīñ vahīñ mirā hindostān boltā hai

jahan jahan koi urdu zaban bolta hai

wahin wahin mera hindostan bolta hai

apnī tārīf sunī hai to ye sach bhī sun le

tujh se achchhā tirā kirdār nahīñ ho saktā

apni tarif suni hai to ye sach bhi sun le

tujh se achchha tera kirdar nahin ho sakta

pahle to us kī yaad ne sone nahīñ diyā

phir us kī āhaToñ ne kahā jāgte raho

pahle to us ki yaad ne sone nahin diya

phir us ki aahaTon ne kaha jagte raho