aaj kuchh rañg digar hai mire ghar kā 'ḳhālid'

sochtā huuñ ye tirī yaad hai yā ḳhud tū hai

aaj kuchh rang digar hai mere ghar ka 'KHalid'

sochta hun ye teri yaad hai ya KHud tu hai

āsmāñ jhāñk rahā hai 'ḳhālid'

chāñd kamre meñ mire utrā hai

aasman jhank raha hai 'KHalid'

chand kamre mein mere utra hai

tum ḳhush raho hamārī duā hai tamām-umr

apnī to ḳhair jaisī bhī guzrī guzar ga.ī

tum KHush raho hamari dua hai tamam-umr

apni to KHair jaisi bhi guzri guzar gai

vo to gayā ab apnī anā ko sameT le

ai ġham-gusār dast-e-duā ko sameT le

wo to gaya ab apni ana ko sameT le

ai gham-gusar dast-e-dua ko sameT le

zaḳhm risne lagā hai phir shāyad

yaad us ne kiyā hai phir shāyad

zaKHm risne laga hai phir shayad

yaad us ne kiya hai phir shayad