jab aa jaatī hai duniyā ghuum phir kar apne markaz par

to vāpas lauT kar guzre zamāne kyuuñ nahīñ aate

jab aa jati hai duniya ghum phir kar apne markaz par

to wapas lauT kar guzre zamane kyun nahin aate

kyuuñ pashemāñ ho agar va.ada vafā ho na sakā

kahīñ va.ade bhī nibhāne ke liye hote haiñ

kyun pasheman ho agar wada wafa ho na saka

kahin wade bhi nibhane ke liye hote hain

zindagī kam paḌhe pardesī kā ḳhat hai 'ibrat'

ye kisī tarah paḌhā jaa.e na samjhā jaa.e

zindagi kam paDhe pardesi ka KHat hai 'ibrat'

ye kisi tarah paDha jae na samjha jae

sunā hai Duub ga.ī be-hisī ke dariyā meñ

vo qaum jis ko jahāñ kā amiir honā thā

suna hai Dub gai be-hisi ke dariya mein

wo qaum jis ko jahan ka amir hona tha

apnī ġhurbat kī kahānī ham sunā.eñ kis tarah

raat phir bachcha hamārā rote rote so gayā

apni ghurbat ki kahani hum sunaen kis tarah

raat phir bachcha hamara rote rote so gaya