Gopal Mittal
Ghazal 33
Nazm 13
Sher-o-Shayari 9
mujhe zindagī kī duā dene vaale
hañsī aa rahī hai tirī sādgī par
mujhe zindagi ki dua dene wale
hansi aa rahi hai teri sadgi par
fitrat meñ aadmī kī hai mub.ham sā ek ḳhauf
us ḳhauf kā kisī ne ḳhudā naam rakh diyā
fitrat mein aadmi ki hai mubham sa ek KHauf
us KHauf ka kisi ne KHuda nam rakh diya
kyā kījiye kashish hai kuchh aisī gunāh meñ
maiñ varna yuuñ fareb meñ aatā bahār ke
kya kijiye kashish hai kuchh aisi gunah mein
main warna yun fareb mein aata bahaar ke
tark-e-ta.alluqāt ḳhud apnā qusūr thā
ab kyā gila ki un ko hamārī ḳhabar nahīñ
tark-e-talluqat KHud apna qusur tha
ab kya gila ki un ko hamari KHabar nahin
ḳhudā gavāh ki donoñ haiñ dushman-e-parvāz
ġham-e-qafas ho ki rāhat ho āshiyāne kī
KHuda gawah ki donon hain dushman-e-parwaz
gham-e-qafas ho ki rahat ho aashiyane ki
