haar jā.egī yaqīnan tīrgī

gar musalsal raushnī zinda rahī

haar jaegi yaqinan tirgi

gar musalsal raushni zinda rahi

pūchhnā chāñd kā patā 'āzar'

jab akele meñ raat mil jaa.e

puchhna chand ka pata 'azar'

jab akele mein raat mil jae

havā ke dosh par lagtā hai uḌne

jo patta TuuT jaatā hai shajar se

hawa ke dosh par lagta hai uDne

jo patta TuT jata hai shajar se

ḳhatm hotā hī nahīñ merā safar

koī thak-hār gayā hai mujh meñ

KHatm hota hi nahin mera safar

koi thak-haar gaya hai mujh mein

koī manzil kabhī nahīñ aa.ī

rāste meñ thā rāste meñ huuñ

koi manzil kabhi nahin aai

raste mein tha raste mein hun