diloñ meñ talḳhiyāñ phir bhī nazar meñ muskurāhaT ho

balā ke habs meñ bhī ho havā aisā bhī hotā hai

dilon mein talKHiyan phir bhi nazar mein muskurahaT ho

bala ke habs mein bhi ho hawa aisa bhi hota hai

āgahī ne diye ib.hām ke dhoke kyā kyā

sharh-e-alfāz jo likkhī to ishāre likkhe

aagahi ne diye ibham ke dhoke kya kya

sharh-e-alfaz jo likkhi to ishaare likkhe

tujh ko paa.eñ tujhe kho baiTheñ phir

zindagī ek thī Dar kitne the

tujh ko paen tujhe kho baiThen phir

zindagi ek thi Dar kitne the

lahū rulāte haiñ aur phir bhī yaad aate haiñ

mohabbatoñ ke purāne nisāb se kuchh haiñ

lahu rulate hain aur phir bhi yaad aate hain

mohabbaton ke purane nisab se kuchh hain

bādaloñ kī aas us ke saath hī ruḳhsat huī

shahr ko vo aag kī be-rahmīyāñ bhī de gayā

baadalon ki aas us ke sath hi ruKHsat hui

shahr ko wo aag ki be-rahmiyan bhi de gaya