چاند میں تو نظر آیا تھا مجھے

میں نے مہتاب نہیں دیکھا تھا

مومنؔ میاں یہ کام نہیں ہے یہ عشق ہے

کیا سوچ میں پڑے ہو کروں یا کروں نہیں

چاند میں تو نظر آیا تھا مجھے

میں نے مہتاب نہیں دیکھا تھا

جس رستے میں تم مل جاؤ

وہ رستہ منزل ہوتا ہے

خود کو کتنا بھلا دیا میں نے

تو بھی اب اجنبی سا لگتا ہے

زخم کھا کر بھی جو دعائیں دے

کون اس کا مقابلہ کرے گا

خواب میرے چرا لئے اس نے

جس کو میں نے ادھار دیں آنکھیں

تم سے مل کر میں اس کو بھول گیا

جس نے تم سے مجھے ملایا ہے

تو نے مجھ کو بنا دیا انساں

میں نے تجھ کو خدا بنایا ہے

مجھے بھی عقل پریشان کرتی رہتی ہے

نہیں نہیں سے گزر کر میں ہاں پہ آیا ہوں

ستم تو یہ ہے کہ میں نے اسے بھی چھوڑ دیا

جو سب کو چھوڑ کے تنہا کھڑا ہے میرے ساتھ

جانے کیا کہہ رہا تھا وہ مجھ سے

میں نے بھی کہہ دیا کہ خوش ہوں میں

میں جہاں بھی گیا تجھے پایا

تو بھی کیا یوں ہی پا رہا ہے مجھے

اس نے وعدہ نہیں لیا مجھ سے

اور کہتا ہے میں مکر رہا ہوں

جو لکھا ہی نہیں گیا مجھ سے

دل نے وہ گیت گنگنایا ہے

کیسے کیسے میں بھولا ہوں

کیسے یاد آ جاتا ہے تو

وہ جو کل تک ہاں میں ہاں کرتا تھا میری

آج تو وہ بھی نہیں پر آ گیا ہے

کیا بتاؤں چھپا ہے مجھ میں کون

کون مجھ میں چھپا رہا ہے مجھے

کفن کی جیب بھی خالی نہیں ہے

یہ بد حالی ہے خوشحالی نہیں ہے

ابھی سے تجھ کو پڑی ہے وصال کی مری جاں

ابھی تو ہجر نے عنوان ہی نہیں پایا

ہجر کا باب ہی کافی تھا ہمیں

وصل کا باب نہیں دیکھا تھا

وے راتیں جو گزرتی ہی نہیں تھیں

انہیں گزرے زمانے ہو گئے ہیں

کیسی عجیب بات ہے تو سامنے تھا اور

میں تیرے سامنے بھی کسی اور سے ملا

یاد آتے ہیں وے دن بہت

کیوں نہ وے دن دوبارا کریں

آج سورج نے کہہ دیا مومنؔ

تو جلے گا تو روشنی ہوگی

چھوڑ آئے ہیں وے گلی لیکن

وے گلی چھوڑ کر نہیں جاتی

وے سامنے سے جا چکا تو یہ کھلا

وہ خواب لگ رہا تھا خواب تھا نہیں