patthar meri wafa ka
isī akele pahāḌ par tū mujhe milā thā
yahī bulandī hai vasl terā
yahī hai patthar mirī vafā kā
ujaaḌ chaTyal udaas vīrāñ
magar maiñ sadiyoñ se is se lipTī huī khaḌī huuñ
phaTī huī oḌhnī meñ sāñseñ tirī sameTe
havā ke vahshī bahāv par uḌ rahā hai dāman
sañbhālā letī huuñ pattharoñ ko gale lagā kar
nukīle patthar
jo vaqt ke saath mere siine meñ itne gahre utar gaye haiñ
ki mere jiite lahū se sab ās-pās rangīn ho gayā hai
magar maiñ sadiyoñ se is se lipTī huī khaḌī huuñ
aur ek ūñchī uḌaan vaale parind ke haath
tujh ko paiġhām bhejtī huuñ
tū aa ke dekhe
to kitnā ḳhush ho
ki sang-reze tamām yāqūt ban gaye haiñ
damak rahe haiñ
gulāb patthar se ug rahā hai
isi akele pahaD par tu mujhe mila tha
yahi bulandi hai wasl tera
yahi hai patthar meri wafa ka
ujaD chaTyal udas viran
magar main sadiyon se is se lipTi hui khaDi hun
phaTi hui oDhni mein sansen teri sameTe
hawa ke wahshi bahaw par uD raha hai daman
sanbhaala leti hun pattharon ko gale laga kar
nukile patthar
jo waqt ke sath mere sine mein itne gahre utar gaye hain
ki mere jite lahu se sab aas-pas rangin ho gaya hai
magar main sadiyon se is se lipTi hui khaDi hun
aur ek unchi uDan wale parind ke hath
tujh ko paigham bhejti hun
tu aa ke dekhe
to kitna KHush ho
ki sang-reze tamam yaqut ban gaye hain
damak rahe hain
gulab patthar se ug raha hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
